نقدر نقول " خلص الكورس " ...

مابي الكورس يخلص...
ودي نسوي event من يد ويديد ..ولهت على أيام al meeting ..صخبنا..نقاشاتنا..سوالفنا وضحكنا..

إيصير نرجع مرة ثانية ...ونسوي كلشي مرة ثانية ؟...

بعض الناس

بعض الناس
واللي مارح أقول منو ;p
لأني وعدتهم ما أعلم ....
مسكوا القلم وجابلوا اللوحة ...وكتبوا هالحجي ....
على أساس أنه نسويه في Open day '10 بعد جم أسبوع ...
حرام أنا بس كاسرين خاطري اليهال ...مانبي نخرعهم ;p

وترى بس جذي " بعض الناس " كانوا يتغشمرون ....

فكرة مسابقتنا كانت ..

باختصار :


خذلك قوطي بيبسي ..وأخذلك لقطة معاه ...فنتق فيها ...ابتكر فكرة يديدة للدعاية ...
بحيث اللي يشوف الدعاية ...
يشتهي يشرب بيبسي ...
كانت الفكرة ناجحة 100%
والدليل ...الطوابير اللي كانت برا على خيمة التصوير و" اللي صكت على طوابير Pink berry " ...;p
وأؤكد نادي الإدارة والتسويق غير مسؤول عن أضرار المشروبات الغازية ;P

# 1 عبدالرزاق

كان meeting خاص حق evaluation
Go 5 + M2 Expo

بدت دانة وقالت : أنه أحنا كلنا بدعنا في أسبوع الإدارة والتسويق
وكلنا بدعنا في دورة Go 5
وعذرتنا أنا ومحمد لأنه ما كنا متواجدين بسبب ظروف امتحاناتنا ...

كمل بعدها فواز ...
وقال أنه كلنا ما قصرنا ...
وعطاني أنا شخصياً ملاحظة : عشان ما أفتح مواضيع ماله داعي تشتت التركيز على الموضوع الأساسي
وعطى سارة ملاحظة أخرى : عن التحبيط اللي سوته فينا بخصوص أسبوعنا ...

لكن ...
كلمن قال أنه عبدالرزاق أهوه الوحيد اللي يسوي كل الشغل برحابة صدر
ما يتأفف ...ما يعاند ...ما يعصب ...ودايما مبتسم ...

# 1 عبدالرزاق
تستاهل

محد فينا نام ذيج الليلة ..

ليلة 21 شهر نوفمبر
محد فينا نام ;p
مثل ما قلت من قبل ...


ساعة 12 ونص الظهر
فواز وعبدالرزاق و ريم صبغوا الديكور قبل 19 ساعة من المعرض بالضبط ...
وإبراهيم وفواز الياقوت كانوا يشترون باجي الوايرات والأغراض من حولي ..
وتأخروا ...
أنا رحت أشتري من banta طاولة صغيرونة بلاستك مع كرسيين ...
( أهم شي إنها بلاستك صح محمد ;p )....



ورديت الساعة 8 بالليل وديتها الكلية ...
وكانوا عبدالرزاق وفواز موجودين ...
عبدالرزاق رجع البيت ساعة 1 الفير
وضل فواز لي ساعة 2 ونص الفير
وإبراهيم وفواز الياقوت ضلوا لي ساعة 3 ونص الفير بالكلية ...
ومحد نام ذيج الليلة
كلنا رحنا مواصلين ...

الصبح
21 نوفمبر
كان بداية أسبوعنا ....


الأغلاط :
ما انطبعت كل البوسترات عشان جذي ما توزعت في كل الكلية
البوسترات كان فيها غلطة مطبعية ...كلمة أفضل صارت أقضل ;p
بس أشوه محد شاف
وسوينا بدالهم بوسترات ثانيه ولحقنا نعلقهم ....
Roll up دورة Go 5 ...علق علينا ولما حاولنا نفتحه ..انشق من فوق ;/
واضطرينا نلصقه بلزاق من فوق ...وهم أشوه محد شاف ...ومحد دقق ;P
الشاشات الأربعة ...ما اشتغلوا في أول يومين ...وهم أشوه محد انتبه
عوضنا هالشي بالثلاث أيام اللي بقت ...



وفيديو دعاية حق مسابقتنا ...اللي سواه محمد ...كان فيه دعاية أحرجتنا شوية ;P
لكن تداركنا الموقف وشلناها ;P....
باختصار أكبر دليل على نجاح أسبوعنا ...لي اليوم وبعد أكثر من شهر تقريباً
للحين يعرضون دعاياتنا و فلمنا القصير ...في كل شاشات الكلية .....

وعلى فكرة الأغلاط محد يدري عنها ولا حس فيها ...غيرنا أحنا .....

GO 3

GO 3 أ.خالد الديهان
دورة من إشراف M2 club

تبي تدرس وأنته نايم ؟

ندوة سويناها بالكلية ....
تبي تدرس وأنته نايم ؟!!....
باختصار ...سجل صوتك وأنته تدرس ...ولما تنام ...شغله بأذونك وخله يشتغل ...
لما تقوم من النوم ...راح تكون كل المعلومات في عقلك الباطن ...


صور من الندوة :

إبراهيم مع الأستاذ أحمد بهبهاني

الوحيد اللي مندمج بالصورة ..عبدالرزاق ;p

redbull 2

صور أخرى لـــ مسابقة Red bull
حيث كان نادي الإدارة والتسويق هو الراعي الرسمي ...

دور عبدالرزاق

دور محمد

Open Day ' 09

The haunted house by the Marketing & Management club

M²

صورة لمقابلة M² في مجلة رابطة المستقلة

M² Expo - part 6

كان يوم السبت

وويك إند بعد عطلة عيد الأضحى ...

فواز وعبدالرزاق من ساعة 10 الصبح متواجدين بالكلية

وباجر al event
باجر
باجر ..
باجر ......
بقى ليلة على M² Expo



أول ما دخلت السيركل
كان كلشي فاضي ..على حطته
لا ديكور
ولا أكو شي
للحين أذكر ويه وصدمة فواز ..
عصبية ريم ..
لا شعور وتعليق عبدالرزاق ...


كانت الساعة تقريباً 12 ونص الظهر
وباجر المفروض افتتاح أسبوعنا
يعني تقريباً عندنا 19 ساعة بالضبط عشان يكون كلشي جاهز ..
يسأل فواز...الديزانير فواز الياقوت : وين الشاشات ؟
يقوله : مادري ..أنا عندي ثنتين وناقص ثنتين بنيبهم بعدين ...أو ثنتين من عندكم ..
كان ودنا نسأله من عندنا ؟ يعني شنو من عندنا ؟ وليش تقول ليلة al event
لكن سكتنا ...
ويرد يسأله فواز سؤال ثاني : إنزين وين الكهربا .؟والوايرات ..؟؟
يرد بسرعة : بعد شوي راح أروح شارع بن خلدون مع إبراهيم عشان أشوفهم ...
يمسك فواز المنيع أعصابه ويرد يسأله : إنزين وين البوسترات ؟
يرد : الثلاث بوسترات يخلصون بالليل ...

نعم ...؟

3 ...؟#؟@!!...
من كل بوستر واحد ..؟!؟...
ليش بس واحد ؟
منو قال أنهم بس 3 ..؟,..
أذكر بهاللحظة بالذات بديت أضحك ...وأنا ماسكة الكاميرا...
ومن داخل أدعي ربي " يعدي الليلة على خير " ...
الديزاينر نسى أنه أحنا نبي 270 بوستر
عشان نوزعهم في أرجاء الكلية ...


90 لكل ديزاين ..
والمطابع معظمها مسكرة يوم السبت ...
شهالوهقه ؟
ومارح يمدينا نطبع هالكمية كلها خلال ساعات ...
عشان نوزعها بالكلية الصبح ..


يفكر فواز الياقوت ...ويحاول يعطينا حلول ...
إنزين شرايكم نسويها A3
لأ ما تبين
نقلل العدد
لأ ما نبي
قفلنا ...عصبنا ...وتوهقنا ...
وقلنا خلاص نحاول نطبع اللي نقدر عليه ... ونعلقهم حتى لو ثاني يوم من al event

جريدة ...وهوت شوكلت كاريبو...

In our club
الصبح غير....جريدة ...وهوت شوكلت كاريبو....
والتلفزيون مفتوح على صباح الوطن ...



وذاك اليوم في
جريدة السياسة
صفحة 32
زاوية اليسار تحت

صورة جماعية للأعضاء النادي مع موظفي شركة Global وهي الراعي الرسمي لنا حالياً

M² Expo - part 5

كنا نبي ديزاينر ثاني ..
وأذكر أني قلت حق دانة
ترى خالي فنان تشكيلي ...وعنده خبرة في هالمجال ...يقدر يكلملنا شركة متخصصة
ويراعونا بالأسعار وكلشي....
لكن ...
إبراهيم ...تذكر رفيجه اللي يدرس بــ AUK وكان تخصصه Marketing وبعدين
حول تخصصه حق الديزاين ....
وبجذيه عرفنا فواز الياقوت ...



كان باقي 11 يوم ....
ودانة وبسومة وراهم سفرة للحج ...وماكان يمدي نسوي أكثر من اجتماع.....
اجتمعوا معاه الاجتماع الأول ...وماكنا كلنا موجودين ...
فجأة كل أفكارنا تغيرت ...
بالنسبة لي ما كنت موافقة ...لأني ماحب التغييرات المفاجئة
كانت الفكرة الرئيسية نفسها وهي عرض al 4 p's التي تعتبر أساس التسويق ...
لكن ما عجبتني طريقة الديكور والألوان
خصوصا أنهم ما نطروا ياخذون باجي آراء الأعضاء ....

بعد اجتماعين ...
اعتمدنا فواز الياقوت على أنه al designer
وقلنا له عن كلشي ...
فكرة المسابقة وأنه راح نحتاج studio خارج السيركل حق التصوير
وبوسترات للإعلان عن أسبوعنا + عن يوم عرض فيلم الدعايات ...




تم توزيع كل P
على اثنينا من الأعضاء
فواز وريم مسكوا Place
نورة وسارة Product
أنا وعبدالرزاق مسكنا Promotion


كان المطلوب من كل اثنين
يطلعون صور...فيديو....مقولة شهيرة ...تعريف
حق كل P
عشان نحطها على الأعمدة الأربعة اللي راح تتوزع بالسيركل ...

خلصنا al p's
كل فريق خلص ودز الصور وكلشي على email فواز الياقوت
على أساس يبدا يحطهم على كل عمود ...
وللحين أذكر رسمات ريم ....حدهم كيوت
ذكريني أصورهم منج عشان أحطهم هنيه ....